في اول ١٥ ساعة من اطلاق "بوابة مصر الرقمية" فيه ٢٧ الف مواطن سجل وعمل حساب عليها و تسجيل ٢٠٠٠ طلب ومعاملة الكترونية لبطاقات التموين بس
"مصر الرقمية" ده مشروع قومي بجد .. حصاد ٦ سنين شغل وتجميع بيانات وربط الوزارات والهيئات ورفع كفاءه الإنترنت و تحديث اغلب المباني الحكومية زي البريد و نقطة الشرطة و السجل المدني وغيرهم
هدف البوابة انها تحول مصر من دولة ورقية الي دولة رقمية ، كل المعاملات الحكومية تكون من خلال الانترنت من تليفونك وانت قاعد في البيت لا صحيان بدري ولا مشاوير ولا زحمة ولا طوابير ولا مدام عفاف تبعتك لمدام سعاد ولا استاذ حسن يقولك هات الشاي ولا استاذ عادل يقولك كل سنة وانت طيب ولا كل الفساد ده
التسجيل في البوابة بسيط جدا بالبطاقة بتاعتك هتعمل حساب وهتفتح تلاقي الخدمات الحكومية وهتلاقي التعامل سهل جدا و واضح ، حتي الان تجريبي يعني فيه عدد لا بأس من الخدمات اللي المفروض انهم يوصلوا ١٥٥ خدمة حكومية زي استخراج شهادات الميلاد والزواج وخدمات المرور والتموين واستخراج بدل فاقد وبدل تالف وتجديد تراخيص المركبات وسداد المخالفات وخدمات التوثيق واستخراج التوكيلات وصولا لانك ترفع دعاوي قضائية اون لاين ، غير خدمات الحياة الزراعية وذوى الاحتياجات الخاصة و الأحوال المدنية والسجل التجارى والمحليات والكهرباء وتكافل وكرامة والعلاج على نفقة الدولة والنيابة الإدارية والاستثمار وتدشين الشركات والمناطق الحرة والشهر العقارى وغيره
خلال اسابيع هتكتمل كل الخدمات وتتصلح كل الثغرات و المشكلات اللي ممكن تظهر و هيتم اطلاق ابلكيشن علي اندرويد و ios و تبدأ مصر عصر جديد من تاريخها عصر الرقمنة اللي كنا دايما بنحلم بيها
.jfif)
.png)
