اعلان وظائف هيئة قضايا الدولة

 

أعلنت هيئة قضايا الدولة، فتح باب التقدم لوظيفة مندوب مساعد للذكور والإناث من خريجي كليات الحقوق والشريعة والقانون والشرطة دفعة 2022.

👈إعلان التقديم لوظيفة مندوب مساعد في هيئة قضايا الدولة دفعة حقوق وشرطة 2022 ⚖️

👈 في البدايه التقديم لأصحاب التقدير جيد فأعلى يعني مقبول ملهوش تقديم و التقديم متاح للجنسين الذكور و الإناث .. و لازم تعرف اني كل دفعه ليها مره واحده بس تقديم يعني متقولش مش هقدم السنه دي و السنه الجايه نقدم.

👈 لازم في البدايه تشتري الملف من يوم السبت 21/1 حتي نهاية يوم الخميس 2/2 و لازم تجيبه أنت او حد قريبك درجه أولى ( والدك أو والدتك أو أخوك أو أختك ) أو اي حد معاه توكيل منك ( المحامي مثلا ) و الملف بيكون فيه رقم سري تدخل تسجل بيه علي الموقع لما يفتح الموقع و لازم النت اللي هتدخل منه يكون شبكة we لأني أي شبكة تاني مش هتفتح معاك الموقع

👈 و بعد كدا تنظر ليوم السبت 28/1 لما موقع الهيئة يفتح علشان تدخل تسجل علي الوقع و أملي بياناتك و بيانات عائلتك و تطبع الملف 5 نسخ و هتوقع بخط أيدك تحت كل ورقة في كل نسخة من ال5 نسخ .. و بعد كده هيتم الإعلان عن موعد تسليم الملف لكل جامعه طبقا لجدول زمني سيتم الإعلان عنه

👈 هتروح تسلم ملفك مع الأوراق المطلوبه في موعد جامعتك المعلن عنه

و بعد كده تتابع علي الموقع من خلال رقمك القومي و أعرف ميعاد المقابله

وحددت هيئة قضايا الدولة عدد من الشروط التى يتعين على المتقدم الالتزام بها بخلاف الشروط العامة المنصوص عليها قانونا:

1 - ألا يقل تقديره التراكمي عن جيد.

2 - ألا يزيد عمره عن 30 عاما، في تاريخ نشر هذا الإعلان.

3 - أن يجتاز بنجاح المقابلة الشخصية وكل الاختبارات التي تجرى له في هذا الشأن.

4 - أن تتوافر فيه الأهلية والصلاحية والكفاءة المتطلبة لشغل تلك الوظيفة القضائية طبقا لما تقدره اللجنة.

5-أن تثبت لياقته الطبية وفقا للتحاليل والفحوص الطبية من الجهات الطبية المختصة التي تحددها الهيئة.

واكدت الهيئة فى إعلان الوظيفة أنه يجرى سحب ملف التقديم نظير 600 جنيه، من مقر نادي مستشاري قضايا الدولة الكائن: 8 ش أبو الفدا - الزمالك - القاهرة، خلال الفترة من يوم السبت الموافق 21 يناير الجاري، حتى نهاية يوم الخميس الموافق 2 فبراير المقبل وذلك بعد تقديم صورة البطاقة وصورة المؤهل.

كما حددت هيئة قضايا الدولة إمكانية التقديم عبر الموقع الالكتروني الخاص بالهيئة خلال الفترة من 28 يناير وحتى 16 فبراير.