اكتر 20 غلطة قاتلة فى سيرتك الذاتية

 

أخيراً هتعرف ليه الـ CV بتاعك مرفوووووووووووووووض 

 في المقالة دي هنشارك معاك أكتر ٢٠ غلطة قاتلة لو بتقدم على وظيفة في ٢٠٢٤ …والاخطاء دى متكررة بشكل يومي 

1- مفيش subject في الإيميل …لازم تحط اسمك والوظيفة اللي بتقدملها وكمان المفروض تسمي ملف الـ CV نفسه بنفس الطريقة 

2- الإيميل من غير محتوى مكتوب جواه، ايميل فاضي كده بدون body و تحسه اتبعت مستعجل …لو كتبت حاجة زي انك تشرح ليه انت مناسب للوظيفة مثلاً

3- باعت الإيميل لأكتر من شركة في نفس الوقت …بتحاول توفر وقت و مجهود بس كله على حسابك في الآخر لإنهم ممكن يعتبروه سبام

4- نسيت تحط الـ CV في ال attachment مع الإيميل …كلنا بننسى و صدقوني ناس كتير بتغلط الغلطة دي و طبيعي محدش يكلمهم 

5- عامل forward للإيميل من إيميل تاني من غير ما تعدله …كسل برضه و ده هيبوظ الانطباع الأول اللي الشركة هتاخده عنك

6- باعت الـ CV بالعربي أو أي لغة تانية …متعملش كده غير لو اتطلب منك …الأولوية دايماً إنه يكون English

7- الـ CV بتاعك ٢٠ صفحة …محدش هيقرأ أكتر من ٣ صفحات، ده لو انت خبرة كبيرة و في شركات كتير و بتقدم على C Level

8- باعت كل شهاداتك Attached في الإيميل …لو طلبوا ده بشكل واضح فقط و تجمعهم كلهم في ملف pdf واحد

‏9- CV معمول بأي صيغة غير pdf أو word …هيترفض

10- الألوان الكتير والصور الكتير واللوجوهات بتاعة الشركات بتكون مزعجة و بتقلل من فرصك 

11- كلمة "Curriculum vitae" أو "resume" أو "CV" اللي فوق دي لازم تتمسح …هما عرفوا خلاص ان ده الـ CV من قبل ما يفتحوه

12- مراجعتش الإيميل كويس قبل ما تبعت و فيه أخطاء إملائية أو النحوية ...كده الانجليزي بتاعك وحش و فرصك قلت

13- عامل Copy من واحد صاحبك او من عالنت لكلمتين محفوظين و فاكر انها هتعدي على الراجل اللي بيشوف 1000 CV في اليوم 

14- الإيميل بتاعك مش احترافي …ايوة والله pretty_soso و young_pharoh دول مش للشغل 

15- نسيت تضيف ملفك الشخصي على LinkedIn و ده معناه ان غالباً مش عندك …فرصك هتقل جامد

16- بادئ الـ CV كده بسم الله الرحمن الرحيم …انا عايز اشتغل عشان و عشان و عشان …طيب يعني هما عارفين انك مش مقدم على سحب عربية …و معرفوش هتفيد الشركة ازاي

17- حاطط ارقام تليفونات لزمايلك و دكتور الجامعة بتاعك و مديرك في الشركة اللي فاتت …لما يتطلب منك فقط و شخصيات ليها علاقة بتحسين فرصك 

18- الصورة …بوز البطة و الساحل و فرح حسام …مين حسام؟ …بتحطها لو طلبوها فقط

19- حجم الملف اللي اكبر من ١٠٠ ميجا ده بيقول انك باعتلي قنبلة مش CV

20- نسيت تحط بيانات التواصل معاك في الـ CV …او قاصد عشان مبتديش رقمك لحد غريب

بس كده يا صديقي …لو مبتعملش ولا غلطة من دول تبقى ١٠٠٪؜

و لو عايز تتأكد و تراجع الـ CV بتاعك و و تشوف إيه الغلطات اللي فيه سجل بياناتك هنا: https://bit.ly/hireqcvrev