منحة الحكومة البريطانية تشيفننج Chevening
تم إغلاق طلبات منح تشيفنينج الدراسية 2020/2021. سيتم فتح طلبات 2021/2022 للمنح الدراسية في Chevening في 3 سبتمبر 2020.
1- هيدفعوا لك كل مصاريف دراستك في بريطانيا حوالي 400 ألف جنيه مصري.
2- مرتب شهري محترم للمعيشة في بريطانيا.
3- مصاريف تأشيرة بريطانيا.
4- مصاريف تذاكر الطيران ذهاب وعودة وبدل وصول ومغادرة.
5- الماجستير لمدة سنة واحدة فقط.
6- لو عاوز تسافر تحضر تدريب معين هيغطوا تكاليفه كاملة.
7- تقدر تشتغل دوام جزئي في بريطانيا لمدة 20 ساعة أسبوعيًا .. يعني حوالي 4 ساعات في اليوم.
8- مش شرط تقديرك في الكلية.
9- مش شرط تحضر الماجستير في نفس مجال تخصصك .. يعني هتدرس الحاجة اللي بتحبها.
10- مش شرط سن معين.
11- تقدر تدرس في أي جامعة أنت حابب تدرس فيها .. مش بيفرضوا عليك جامعة بعينها.
12- لو معاك ماجستير أو دكتوراه تقدر تقدم عادي.
شروط المنحة:
1- لازم يكون معاك البكالوريوس أو الليسانس.
2- مش شرط يكون معاك اختبار تويفل أو أيلتس، ممكن تقدم عادي من غيرهم، أهم حاجة تكون كويس في الإنجليزي.
3- لازم يكون عندك خبرة في المجال اللي أنت هتدرس فيه الماجستير لاتقل عن سنتين أو 2800 ساعة عمل.
الأوراق المطلوبة:
1- صورة الباسبور.
2- شهادة البكالوريوس أو الليسانس.
3- بيان الدرجات.
4- هتذكر 2 من ناس اشتغلت معاهم، أو دكاترة درسوا لك وعلاقتك بهم كويسة .. هيتبعتلهم إيميل أنهم يقدموا خطاب توصية ليك.
5- الخطاب الشخصي، وده اكتبه بنفسك، ماتجيبوش من عالنت وخلاص.
6- أنك تذكر 3 برامج حابب تقدم فيها في بريطانيا .. ولازم يجيلك منها قبول غير مشروط من الجامعة قبل15 يوليو 2021 .. وتقدر تعدل حاجة فيهم في الانترفيو عادي.
بعد سنة واحدة هيكون معاك ماجستير في حاجة بتحبها من أفضل الجامعات في بريطانيا، وكمان ممكن تشتغل ويكون عندك خبرة شغل في بريطانيا، وأي حد حاصل على تشيفيننج بتكون له مميزات محترمة في سوق العمل بعد كده.
موعد التقديم: من 3 سبتمبر حتى 3 نوفمبر 2020
التفاصيل من هنا :https://www.chevening.org/scholarship/egypt/
