معرض توظيف الغرفة الأمريكية - ديسمبر 2025
خلينا نتفق أن في شركات بتشارك في معارض التوظيف كوسيلة للدعاية لنفسها، لكن ده مش معناه إنك تعمم وتفترض أن كل الشركات كده. بعضهم جاد جدًا في البحث عن كفاءات جديدة، وممكن تكون الفرصة دي هي بابك للشغل.
ثانياً: نصائح للتجهيز والاستفادة من المعارض
1. لو أنت فريش أو خبرة:
• جهّز السيرة الذاتية بتاعتك: اعمل لها تحديث وتأكد إنها واضحة ومنسقة كويس.
• اهتم بمظهرك: خليك فورمال، دي حاجة هتفرق معاك كتير في الانطباع الأول.
• اعمل بحث كويس: قبل ما تروح، اعرف الشركات اللي هتكون موجودة، وحاول تسوّق نفسك ليهم. ممكن يكون عندهم مشكلة وأنت عندك حل ليها.
2. خلال المعرض:
• قدّم نسخة من الـ CV: سلّمها شخصيًا للشركات اللي مهتم بيها.
• لو نفسك تشتغل في شركة معينة، اسألهم:
• هل عندكم وظائف في المجال ده؟
• إيه الشروط المطلوبة؟
• ممكن تاخدوا نسخة من الـ CV وتعملوا لي ترشيح لما الوظيفة تتوفر؟
3. لو مش بتدور على شغل حالياً:
• اتعرف على الجديد في السوق: شوف إيه الوظايف الجديدة والمتطلبات بتاعتها. يا عالم، يمكن تحتاج المعلومة دي في المستقبل!
• اعمل نتوورك: فرصة ذهبية إنك تتعرف على ناس في مجالك، وتبني علاقات ممكن تستفيد منها مستقبلاً.
• ابني البراند الشخصي بتاعك: قدم نفسك بشكل احترافي وخلّي الناس تعرفك وتفتكر اسمك.
4. لو عاوز تغير مجال أو عندك مهارة مش عارف توظفها:
• في شركات كبيرة بتقدم Coaching مجاني، بيساعدك تحدد مستقبلك الوظيفي وتستغل مهاراتك بشكل أفضل.
5. لو مهتم بـ مجال معيّن:
• في Speakers لمدة يومين بيتكلموا في مواضيع متنوعة. فرصة رائعة إنك تتعلم حاجة جديدة وتوسع مداركك.
لو حابب تعرف أكتر أو تسجّل مجاناً في الفعاليات من هنا
